INEGA Instituto Enerxético de Galicia

Play
Conselleria de Economía e Industria
inicio ou Novas ou Novas ou 2009 ou Decembro

Decembro

ECONOMÍA E INDUSTRIA, A TRAVÉS DO INEGA, DESTINA COMO ORZAMENTO INICIAL 500.000 EUROS AO PLAN DE VEHÍCULOS EFICIENTES 2009, QUE XERARÁ UN INVESTIMENTO ASOCIADO DE 3,4 MILLÓNS DE EUROS

28/12/2009

??? Paragraph[1]/Image[1]/Title ???

Preto de 400 automóbiles eficientes circulan polas estradas galegas, adquiridos mediante as subvencións que o Instituto Enerxético de Galicia dá a través desta campaña, que vai pola terceira edición

O director do Instituto Enerxético de Galicia destaca que con esta nova medida para incentivar unha maior eficiencia enerxética no sector do transporte se prevé que se adhiran á campaña máis de 45 concesionarios e que se efectúen 250 transaccións, entre adquisicións de vehículos híbridos novos e transformacións a GLP

As axudas, que se poden solicitar desde o 1 de febreiro de 2010, serán dun máximo do 15% do prezo de mercado do vehículo e poderán alcanzar os 7.000 euros

O PROGRAMA DE AXUDAS DO INEGA PÉCHASE CON 3.698 SOLICITUDES DE AXUDAS ACEPTADAS, A CIFRA MÁIS ALTA DE TODAS AS CONVOCATORIAS, UN 37% MÁIS QUE EN 2008

25/12/2009

??? Paragraph[1]/Image[1]/Title ???

Se ben o número de subvencións validadas se achega ás 3.700, o Instituto Enerxético de Galicia recibiu 11.554 borradores de subvencións.

O director do Instituto Enerxético de Galicia, dependente da Consellería de Economía e Industria, destaca que "estes datos confirman definitivamente o interese que xeraron as subvencións de aforro e eficiencia enerxética e de enerxías renovables este ano, que se traduciu nunha media de 282 borradores de axudas ao día e en 90 axudas aceptadas diariamente".

Eliseo Diéguez resalta a incidencia positiva que tivo neste elevado cómputo, a presentación por primeira vez este ano das solicitudes vía telemática xunto coa difusión das axudas alcanzada a través das dúas xornadas informativas organizadas polo Inega.

Incide en que o Instituto está a centrar os esforzos en axilizar a tramitación das axudas para dar cumprimento ao compromiso de reducir nun terzo os tempos.

Cun orzamento de preto de 16 millóns de euros as subvencións do Instituto que dirixe Eliseo Diéguez mobilizaron un investimento asociado de 61,8 millóns de euros e posibilitaron a redución á atmosfera de 60.500 toneladas de CO2 anuais.

O INEGA DESTINA 1 MILLÓN DE EUROS AO PRIMEIRO PLAN RENOVE DE CLIMATIZACIÓN, CON AXUDAS DE ATA O 30% DO CUSTO PARA A SUBSTITUCIÓN DE EQUIPOS POR OUTROS MÁIS EFICIENTES

19/12/2009

??? Paragraph[1]/Image[1]/Title ???

O director do Instituto Enerxético de Galicia, dependente da Consellería de Economía e Industria, deu a coñecer esta nova liña de axudas, que se poderán solicitar desde o 1 de marzo de 2010, coas que se potenciará un investimento asociado de 3,5 millóns de euros

Serán subvencionables os equipos de potencia entre 5 e 70 kW: caldeiras de condensación, equipos de aire acondicionado aire-aire ou aire-auga e as bombas de calor que teñan como foco frío o aire

Coa campaña prevese chegar a 1.400 vivendas e a máis de 200 establecementos adheridos e obter un aforro de enerxía primaria de 9.566 MWh

Eliseo Diéguez presentou tamén tres aplicacións informáticas que permiten calcular o aforro enerxético e económico que se obtén nun fogar optando por electrodomésticos ou lámpadas de baixo consumo ou apagando totalmente os equipos electrónicos

As devanditas ferramentas, que se poden visualizar na web do Inega, permiten facer extrapolacións dos datos a nivel de Galicia e de España

O INEGA LEVA RECIBIDAS PRETO DE 10.000 BORRADORES DE AXUDAS DE AFORRO E EFICIENCIA ENERXÉTICA E ENERXÍAS RENOVABLES

06/12/2009

??? Paragraph[1]/Image[1]/Title ???

O Instituto, dependente da Consellería de Economía e Industria, vén de ampliar recentemente o prazo de presentación de subvencións ata o próximo 11 de decembro, como consecuencia do alto número de solicitudes rexistradas

O director do Instituto Enerxético de Galicia destaca que "a alta demanda de solicitudes, 250 por día, proba o interese que está a espertar o programa de subvencións do Inega que vai mobilizar un investimento asociado de preto de 62 millóns de euros"

Diéguez resalta a incidencia positiva que estar a ter no proceso, a presentación, por primeira vez este ano, das solicitudes vía telemática e a difusión das axudas alcanzada a través das dúas xornadas informativas organizadas polo Inega

Explica que o Instituto está a centrar os esforzos en axilizar a tramitación das axudas para dar cumprimento ao compromiso de reducir nun terzo os prazos temporais

O PLAN RENOVE DE FIESTRAS 2009 DO INSTITUTO ENERXÉTICO DE GALICIA XEROU UN INVESTIMENTO ASOCIADO DE 5 MILLÓNS DE EUROS

05/12/2009

??? Paragraph[1]/Image[1]/Title ???

Mediante esta actuación, de mellora e eficiencia térmica dos edificios e das vivendas, o Instituto que dirixe Eliseo Diéguez posibilitou un aforro de enerxía primaria de 1.356 MWh e evitou a emisión de 274 toneladas de CO2 á atmosfera

O director do Inega destaca "a elevada demanda que tivo esta campaña entre a cidadanía desde a súa posta en marcha" e salienta que "os 1,2 millóns de euros de orzamento se esgotaron en tan só tres días"

Esta actuación mediante a que o Inega, adscrito á Consellería de Economía e Industria, incentiva a rehabilitación de ocos acristalados das fachadas cumpriu as expectativas previstas ao posibilitar a substitución de fiestras en máis de 900 vivendas e a participación de preto de 350 establecementos ata a data actual