INEGA Instituto Enerxético de Galicia

Play
Conselleria de Economía e Industria
inicio ou Novas ou Novas ou 2012 ou Marzo

Marzo

ECONOMÍA E INDUSTRIA PROMOVE A EFICIENCIA ENERXÉTICA NA INDUSTRIA DO FRÍO PARA IMPULSAR A REDUCIÓN DO CONSUMO E O AFORRO ECONÓMICO

22/03/2012

- O director do Inega, Eliseo Diéguez, destacou en Vigo na inauguración dunha xornada centrada neste sector a aposta da Consellería polo uso racional da enerxía.

- No encontro achegouse información sobre as distintas axudas postas a disposición das empresas polo departamento que dirixe Javier Guerra para a realización de auditorías enerxéticas ou para a substitución de equipamentos.

- Diéguez recordou que a Consellería de Economía e Industria leva investido nesta lexislatura preto de 60 millóns de euros no programa de actuacións de aforro e eficiencia enerxética, que permitiron alcanzar un aforro económico de 90 millóns de euros.

AS AUDITORIAS DE ECONOMÍA E INDUSTRIA DETECTAN QUE AS EXPLOTACIÓNS GANDEIRAS PODEN AFORRAR UN 35% EN ENERXÍA, O QUE SUPÓN 6.300 EUROS NA FACTURA ANUAL

17/03/2012

- A adopción das medidas de aforro e eficiencia permitiría aforrar a estas explotacións máis da metade do que gastan ao ano en enerxía.

- O estudo, elaborado polo Inega, auditou 10 explotacións representativas do sector co obxectivo de reducir os custos de funcionamento, incrementar a produtividade e a competitividade desta industria.

-Entre as opcións propostas destaca a instalación de intercambiadores de placas para o prearrefriado do leite, a instalación dun variador de velocidade nas bombas de baleiro ou a substitución de lámpadas por outras máis eficientes.

- Se as 12.000 explotacións gandeiras galegas incluísen medidas de aforro e eficiencia nas súas instalacións acadaríase un aforro enerxético total próximo aos 12.000 tep/ano e un aforro económico de 16 millóns de euros.
 

ECONOMÍA E INDUSTRIA OFRECE AOS COMPOSTELÁNS CONSELLOS A PÉ DE RÚA PARA PROMOVER O AFORRO ENERXÉTICO

16/03/2012

- O director do Inega resalta a importancia de “establecer hábitos de consumo racional” facendo que a xente tome conciencia dun “uso responsable da enerxía”.

- O Módulo Itinerante de Eficiencia Enerxética, que permanecerá ata o domingo na Praza do Toural, atende de xeito individual as dúbidas dos cidadáns no eido da enerxía.

- Temas como as vantaxes das enerxías renovables, as opcións de rehabilitación eficiente de vivendas ou a contaminación urbana serán abordados en distintas mesas redondas.

- Infórmase sobre as distintas actuacións e liñas de axuda da Consellería para o fomento do aforro e a eficiencia enerxética.

ECONOMÍA E INDUSTRIA PARTICIPA A TRAVÉS DO IENGA NUN ESTUDO INTERNACIONAL PARA A OBTENCIÓN DE ENERXÍA A PARTIR DE MICROALGAS

14/03/2012

- O Instituto Enerxético de Galicia porá en marcha unha planta piloto de cultivos para obter biodiésel, que se instalará na estación depuradora de Tui grazas a un acordo con Augas de Galicia.

- A iniciativa, que se encadra dentro do proxecto europeo EnerBioAlgae, servirá para estudar as posibilidades técnicas, económicas e ambientais da obtención de biocombustibles ao tempo que se depuran augas residuais.
 

O MÓDULO ITINERANTE DE EFICIENCIA DE ECONOMÍA E INDUSTRIA ASESORA AOS PONTEVEDRESES SOBRE AFORRO ENERXÉTICO

12/03/2012

- Expertos en enerxía fan asesorías individuais e reparten preto de medio millar de guías de aforro e a eficiencia enerxética no fogar.

- Durante os dous días que a sede móbil permaneceu na Praza de España, realizáronse trinta asesorías enerxéticas individuais.

- O módulo acolleu mesas redondas con profesionais sobre as distintas posibilidades de aforrar enerxía na rehabilitación de cascos históricos e sobre os tipos de enerxía.

- Informouse sobre as liñas de axuda que a Consellería ten abertas nestes momentos, como o Plan Renove de Equipos de Climatización ou o de Iluminación Interior.

O MÓDULO DE EFICIENCIA ENERXÉTICA DE ECONOMÍA E INDUSTRIA CHEGA A PONTEVEDRA PARA FOMENTAR O AFORRO NO TRANSPORTE E NAS VIVENDAS

10/03/2012

- Esta iniciativa ofrece aos pontevedreses a posibilidade de facer asesorías de aforro e eficiencia enerxética personalizadas con especialistas.

- No Módulo Itinerante de Eficiencia Enerxética, que está hoxe e mañá na Praza de España, celebraranse mesas redondas abertas ao público.

- Os cidadáns están a resolver as súas dúbidas sobre o consumo enerxético a través de asesorías individuais, nas que se lles ofrecen consellos para aforrar nos seus fogares.

- Tamén se informa sobre as liñas de axuda que a Consellería ten abertas nestes momentos, como o Plan Renove de Equipos de Climatización ou o de Iluminación Interior.

O MÓDULO ITINERANTE DE EFICIENCIA ENERXÉTICA DO INEGA REALIZA PRETO DE 40 ASESORÍAS INDIVIDUALIZADAS DE AFORRO E EFICIENCIA EN OURENSE

09/03/2012

- O que máis preocupa aos cidadáns que se achegaron ao módulo é reducir custos na calefacción e na iluminación.

- Esta iniciativa da Consellería de Economía e Industria permite facer asesoramentos individualizados con profesionais.

- Ata a sede móbil situada na esquina da Rúa do Paseo cos Xardíns do Padre Feijóo achegáronse centos de ourensáns que recibiron consellos prácticos para aforrar enerxía e información sobre as distintas liñas de axuda promovidas pola Consellería de Economía e Industria.

- O Módulo acolleu mesas redondas que trataron sobre a importancia de que os concellos diagnostiquen os seus consumos enerxéticos, e sobre as posibilidades de aforro no fogar.

AS XORNADAS FORMATIVAS DE ECONOMÍA E INDUSTRIA PROMOVEN MODELOS DE XESTIÓN ENERXÉTICA SOSTIBLE PARA AS EMPRESAS EN VIGO

08/03/2012

- O director do Inega destaca o compromiso da Xunta co Plan de Aforro e Eficiencia Enerxética da Administración Pública que prevé “aforrar preto de 100 millóns de euros” nos próximos 10 anos.

- Na xornada abordáronse os apoios de institucións como o Inega a través de servizos enerxéticos que contribúen á creación de emprego e ao crecemento dun modelo orientado á eficiencia enerxética.

- O director do Inega destacou o compromiso do Goberno galego co aforro e a eficiencia tanto entre empresas como nos fogares e na propia administración.

- A xornada encádrase dentro do proxecto europeo GE2C´S, que ten por obxectivo mellorar a eficiencia enerxética do sector servizos na Eurorrexión Galicia-Norte de Portugal.

- Este encontro tamén serviu para analizar proxectos pioneiros como a Planta de Acumulación de Enerxía Eólica en forma de Hidróxeno, promovido pola Xunta en Sotavento para investigar a obten.

O MÓDULO DE EFICIENCIA ENERXÉTICA DO INEGA ACHEGARÁ AOS OURENSÁNS CONSELLOS PARA UN USO EFICIENTE DA ENERXÍA

06/03/2012

- A sede móbil permanecerá aberta ao público na Rúa do Paseo ata o vindeiro xoves.

- Con esta iniciativa da Consellería de Economía e Industria asesorarase aos interesados sobre as distintas actuacións e liñas de axuda promovidas polo Inega, para mellorar os seus consumos e ser máis eficientes.

- Celebraranse distintas mesas redondas relacionadas coa contaminación e a saúde; a concienciación cidadá, especialmente dos máis mozos; e a importancia da comunicación neste campo.

- A iniciativa, chega a Ourense tras visitar xa A Coruña, Ferrol e Lugo.

JAVIER GUERRA SALIENTA O ESFORZO CONTINUO DA XUNTA A PROL DUN MODELO SOCIAL, ECONÓMICO E ENERXÉTICO SUSTENTABLE, BASEADO NA CALIDADE E NA EFICIENCIA

05/03/2012

??? Paragraph[1]/Image[1]/Title ???

- Economía e Industria celebra o Día Mundial da Eficiencia Enerxética con obradoiros para os cativos.

- O conselleiro de Economía e Industria destaca a mensaxe escollida: “Existe só un Día mundial da eficiencia enerxética, pero 366 para facelo posible”.

- Segundo Guerra “o éxito” da estratexia da Xunta neste eido “está en manter un esforzo continuo de aforro e eficiencia”.

- Economía e Industria favoreceu a mobilización de investimentos por preto de 170 millóns de euros e evitou a emisión á atmosfera de 42.000 toneladas de CO2, co programa de aforro e eficiencia do Inega.

- Guerra animou aos cativos a aforrar enerxía e usala dun xeito responsable no día a día.

1 2 >> >|