INEGA Instituto Enerxético de Galicia

Play
Conselleria de Economía, Empresa e Innovación
inicio ou Novas ou Novas ou 2020

2020

O INEGA CONTARÁ EN 2021 CUN 33% MÁIS DE ORZAMENTO E MULTIPLICARÁ POR CINCO A PARTIDA PARA IMPULSAR AS RENOVABLES E A EFICIENCIA ENERXÉTICA NA INDUSTRIA

24/11/2020

- O vicepresidente económico, Francisco Conde, avogou no X Aniversario do Clúster das Enerxías Renovables de Galicia (Cluergal) por asentar a recuperación económica nun modelo industrial sustentable e tecnolóxico.

- Sinala que os fondos europeos de recuperación van supoñer un gran estímulo neste ámbito, apuntando que dos 108 proxectos da candidatura galega, 33 están centrados nas renovables, a mobilidade sustentable e a economía circular.

CONDE SUBLIÑA QUE O PROXECTO DE BIOMASA AP DEMOSTRA QUE AS REXIÓNS QUE QUEIRAN SER COMPETITIVAS E GARANTIR O SEU FUTURO DEBEN COLOCAR A TRAVÉS DA INVESTIGACIÓN E A INNOVACIÓN

24/11/2020

- O vicepresidente económico, Francisco Conde, interveu no webinario de presentación de resultados deste proxecto transfronterizo no que participaron nove socios de Galicia e do Norte de Portugal e que contou cun investimento de 2,5M€.

- A iniciativa permitiu mellorar as capacidades dos centros de I+D das dúas rexións para optimizar a explotación e uso da biomasa procedente dos restos da poda forestal de matogueiras, vide e kiwi.

- Galicia puxo en marcha en 2014 a Estratexia da biomasa forestal con fins térmicos que favoreceu a instalación de 7000 caldeiras e a actuación en 72 edificios públicos.

- A Xunta está comprometida co impulso da industria forestal e co fomento do uso da madeira, tanto na construción como a través de novas utilidades e produtos.

A XUNTA DISTRIBÚE 6,3M€ ENTRE OS MÁIS DE 87.000 BENEFICIARIOS DO BONO SOCIAL TÉRMICO

09/11/2020

- O Diario Oficial de Galicia (DOG) publica hoxe o enlace ás listaxes das persoas que teñen concedida esta axuda coa que se compensan os gastos dos consumidores máis vulnerables polo uso da calefacción e auga quente ou cociña.

- A Vicepresidencia económica, a través do Inega, xa enviou cartas informativas aos beneficiarios para que, se é o caso, completen os datos necesarios ou renuncien ás axudas se o desexan.

MÁIS DE 1.700 FAMILIAS GALEGAS AFORRARÁN 900.000 EUROS ANUAIS NA SÚA FACTURA ENERXÉTICA GRAZAS ÁS AXUDAS PARA A INSTALACIÓN DE PROXECTOS DE ENERXÍAS RENOVABLES

02/11/2020

- A Vicepresidencia segunda e Consellería de Economía, Empresa e Innovación activou este ano tres ordes de apoios para impulsar as renovables térmicas, a enerxía fotovoltaica e a biomasa nos fogares galegos.

- Agárdase mobilizar 12,5 M€ na instalación destes proxectos, o que permitirá contribuír á reactivación económica do sector e o mantemento e creación de empregos.

A XUNTA LEMBRA A IMPORTANCIA DA ADOPCIÓN DE MEDIDAS DE EFICIENCIA ENERXÉTICA DE CARA Á CHEGADA DO HORARIO DE OUTONO

23/10/2020

- O cambio de hora da madrugada do sábado ao domingo representa un aforro potencial de enerxía en iluminación estimado no 1% para o sector doméstico.

- O uso de iluminación eficiente, unha correcta climatización das vivendas, ou a instalación de sensores que regulen a luz artificial poden diminuír ata un 35% o consumo enerxético anual nos fogares galegos.

GONZALO TRENOR DESTACA O INVESTIMENTO DE 2,2M€ EN 6 PROXECTOS DE AFORRO ENERXÉTICO EN EDIFICIOS DA UNIVERSIDADE DA CORUÑA

20/10/2020

- O delegado da Xunta na Coruña asistiu, xunto co reitor, Julio Abalde ao inicio das obras de mellora de eficiencia enerxética no pavillón de deportes del campus de Elviña.

A XUNTA RECIBE MÁIS DE 1.700 SOLICITUDES NUN DÍA PARA ACCEDER AOS APOIOS Á RENOVACIÓN DE ELECTRODOMÉSTICOS

02/07/2020

- O conselleiro de Economía, Emprego e Industria, Francisco Conde, mantivo un encontro hoxe con representantes da Asociación Nacional de Empresas Distribuidoras de Electrodomésticos.

- Apóiase a renovación de frigoríficos, conxeladores, lavadoras, lavalouzas e encimeras por outras de clase A+++.

- As axudas permiten fomentar a cultura do aforro enerxético para avanzar cara a unha economía máis verde, á vez que se apoia a 9000 familias e se reactiva o tecido empresarial e comercial.

- Enmarcado no Plan de reactivación económica, inclúe unha segunda liña de axudas para impulsar a domótica enerxética, a través da monitorización eléctrica e térmica das vivendas.

A XUNTA ESGOTA AS AXUDAS DESTINADAS Á ADQUISICIÓN DE VEHÍCULOS MÁIS SOSTIBLES POR PARTE DE PARTICULARES

09/03/2020

- O director xeral de Enerxía e Minas, Ángel Bernardo Tahoces, informou hoxe en Santiago de Compostela sobre as solicitudes do Plan de Mobilidade Eficiente.
- En total, rexistráronse ata o momento 589 solicitudes (534 de persoas físicas e 55 de empresas e autónomos).
- Agora mesmo queda crédito dispoñible para as axudas que soliciten autónomos e empresas.

AS AXUDAS DA XUNTA DE EFICIENCIA ENERXÉTICA NA INDUSTRIA E SERVIZOS PERMITIRÁN UN AFORRO ANUAL DE 2,5M€ NA FACTURA

03/02/2020

- O director xeral de Enerxía e Minas, Ángel Bernardo Tahoces, presentou hoxe en rolda de prensa o programa de apoios para este ano no que se invisten 3,5M€.
- A iniciativa prevé impulsar 100 proxectos, mobilizar 9M€, reducir as emisións de CO2 anuais en 8600 toneladas e xerar ao redor de 120 postos de traballo.
- Nos últimos sete anos apoiáronse máis de 1.200 iniciativas con aforros eléctricos equivalentes ao consumo anual de 94.000 fogares.
- Hoxe tamén se abre o prazo para que as entidades colaboradores se poidan adherir ao Plan de Mobilidade Eficiente, que inclúe axudas para particulares, autónomos e empresas que van dos 2000 aos 2500 euros, dependendo do tipo e do volume de emisión do vehículo que se adquira.

A XUNTA PARTICIPA EN PORTO NA CLAUSURA DO PROXECTO EUROPEO AQUALITRANS CUMPRINDO OS OBXECTIVOS PARA ACADAR SISTEMAS MÁIS EFICIENTES E SOSTIBLES NO FUNCIONAMIENTO DAS DEPURADORAS

01/02/2020

 - Ao acto de peche celebrado esta semana asistiron a directora de Augas de Galicia, Teresa Gutiérrez, e o director de Enerxía e Planificación Enerxética do Inega, Emérito Freire.
- O investimento destinado a este proxecto de cooperación transfronteiriza Galicia-Norte de Portugal sitúase en case 1 millón de euros.
- Este proxecto prima a busca dun uso máis eficiente dos recursos naturais nun proceso imprescindible para a poboación como é o tratamento das augas residuais.
- En Galicia hai 160 depuradoras que dan servizo a poboacións de máis de 2.000 habitantes equivalentes.
- O traballo desenvolvido ten permitido pór en práctica proxectos concretos de optimización enerxética nas depuradoras de augas residuais de A Pobra do Caramiñal, Cedeira, Ares, Nigrán e Gondomar.
- A Consellería de Infraestruturas e Mobilidade enmarca estas experiencias piloto no plan de acción da Xunta e de Augas de Galicia de apoio aos Concellos nas súas competencias na explotación e o mantemento axeitado desta instalacións.

1 2 >> >|