INEGA Instituto Enerxético de Galicia

Play
Conselleria de Economía e Industria
inicio ou Novas ou Novas

Novas

O DIRECTOR DO INEGA, JUAN J. ÁLVAREZ CARRIL AFIRMA EN PONTEVEDRA QUE POR PRIMEIRA VEZ "O GOBERNO GALEGO FAI UNHA APOSTA INTEGRAL POLA BIOMASA".

04/04/2008

??? Paragraph[1]/Image[1]/Title ???

Álvarez Carril na súa intervención na Xornada de Medio Ambiente celebrada na cidade de Pontevedra reiterou que é necesario o establecemento dun "modelo propio de aproveitamento enerxético dos residuos forestais que sexa economicamente viable, tecnoloxicamente avanzado e compatible coas actividades tradicionais da industria madeireira", deste xeito -dixo- Galiza será a vangarda da produción enerxética a partir da biomasa forestal primaria.

Por outra banda, tamén se referiu as novas tecnoloxías neste sector destacando a experiencia das tradicionais aplicacións térmicas, explorando ao máximo as posibilidades que ofrecen as aplicacións eléctricas e mixtas.

INNOVACIÓN E INDUSTRIA ACHEGARÁ PRETO DE 40.000 EUROS PARA A POSTA EN MARCHA EN SANTIAGO O PROGRAMA DE AFORRO ENERXÉTICO E DO CONSUMO DE AUGA NO FOGAR, "FOGARES VERDES"

26/03/2008

??? Paragraph[1]/Image[1]/Title ???

O conselleiro de Innovación e Industria, Fernando Blanco; a presidenta da Asociación Ecolóxica de Galiza (ADEGA), Adela Figueroa, e a concelleira de Medio Ambiente do Concello de Santiago, Elvira Cienfuegos, asinaron na mañá de hoxe un convenio de colaboración mediante o cal se porá en marcha o marco de actuacións para a realización do programa "Fogares Verdes. Programa de aforro enerxético e do consumo de auga no fogar". Para o correcto desenvolvemento deste programa, a Consellaría de Innovación e Industria, a través do Instituto Enerxético de Galicia (INEGA), achegará un total de 38.870 euros.

INNOVACIÓN E INDUSTRIA INCREMENTA A DOTACIÓN ORZAMENTARIA DO PROGRAMA DE AFORRO E EFICIENCIA ENERXÉTICA E ENERXÍAS RENOVÁBEIS ATA SUPERAR OS 27 MILLÓNS DE EUROS EN 2008.

04/03/2008

??? Paragraph[1]/Image[1]/Title ???

O conselleiro de Innovación e Industria, Fernando Blanco, presentou esta mañá en Santiago, na véspera do Día Mundial do Aforro e Eficiencia Enerxética, o programa de axudas de aforro e eficiencia enerxética e enerxías renovábeis do seu departamento para este ano 2008. Segundo informou o titular nacionalista, en presenza do director xeral de Industria, Enerxía e Minas, Anxo Calvo, e do novo director do INEGA, Juan Álvarez, os recursos de ambos conceptos increméntanse por riba do 30% con respecto aos destinados o pasado exercicio; un 846% sobre 2005 no caso das axudas a aforro e eficiencia e un 164%, tamén sobre 2005, no caso das enerxías renovábeis. En conxunto, en 2008 a Consellería de Innovación e Industria multiplica por seis os recursos de aforro, eficiencia e enerxías renovábeis existentes hai tres anos. O Instituto Enerxético de Galicia tramitará todas as liñas de axuda, que se convocarán mediante unha única orde, logo de que se centralizase a súa xestión no devandito organismo, por vez primeira, o pasado ano 2007.

AGORA, SE QUERES EMITIR MENOS CO2, PODEMOS AXUDARCHE.

08/01/2008

??? Paragraph[1]/Image[1]/Title ???

Liña de axudas á compras de vehículos novos eléctricos ou híbridos (con capacidade de tracción eléctrica ao 100% mediante baterías).A modernización do parque automobilístico de turismos para aproveitar as vantaxes da maior eficiencia enerxética dos vehículos novos alimentados con enerxías alternativas ás convencionais (gasolina e gasóleo).

Os beneficiarios serán persoas físicas ou xurídicas de natureza pública ou privada residentes ou radicadas na Comunidade autónoma de Galicia.

|< <<< << 38 39 40 41 42