INEGA Instituto Enerxético de Galicia

Play
Conselleria de Economía e Industria
inicio ou Novas

Novas

O INEGA REÚNESE CON MEMBROS DA COMISIÓN EUROPEA PARA AVANZAR NO PROXECTO BioSOFC DO PROGRAMA LIFE.

07/11/2008

??? Paragraph[1]/Image[1]/Title ???

O principal obxectivo deste proxecto internacional é demostrar os beneficios enerxéticos, ambientais e económicos que pode chegar a proporcionar a implantación de sistemas de coxeneración baseados en pilas de combustible de óxido sólido, alimentadas con biogás de diferentes calidades. Neste caso utilizaríase como fonte de enerxía primaria, biogás procedente da dixestión anaerobia de residuos orgánicos dunha industria cárnica é tamén biogás xerado en diferentes depósitos controlados de residuos sólidos urbanos.

Este proxecto pretende utilizar pilas SOFC aproveitando o biogás producido polos residuos orgánicos procedentes dos vertedoiros ou da dixestión anaeróbica.

O PLAN RENOVE DA CONSELLARÍA DE INNOVACIÓN E INDUSTRIA PERMITIU SUBSTITUÍR 50.400 ELECTRODOMÉSTICOS NA SÚA TERCEIRA EDICIÓN.

01/11/2008

??? Paragraph[1]/Image[1]/Title ???

O Instituto Enerxético de Galicia (Inega), dependente da Consellaría de Innovación e Industria, vén de pechar a terceira edición do Plan Renove de Electrodomésticos que este ano permitiu substituír un total de 50.400 aparellos, o que supón un aforro enerxético equivalente ao consumo eléctrico anual de 7.200 familias.

Dende que a Consellería de Innovación e Industria puxo en marcha o Plan Renove de Electrodomésticos en Galiza no ano 2006, substituíronse máis de 137.600 electrodomésticos vellos por outros de maior eficiencia, estimándose o aforro enerxético desta medida en 60.700 MWh/ano. Nesta terceira edición, a Consellaría logrou o seu obxectivo de impulsar a substitución de máis de 50.000 electrodomésticos, producíndose un aforro de 23.662 MWh/ano.

"OS SOSTIBLES", VIDEOXOGO DO INEGA PARA APRENDER A AFORRAR ENERXÍA.

22/10/2008

??? Paragraph[1]/Image[1]/Title ???

O Inega enviará aos centros de ensino o videoxogo "Os Sostibles” para que os rapaces aprendan a aforrar enerxía. Santiago de Compostela, 22 de Outubro de 2008. O Instituto Enerxético de Galicia, (Inega), vén de editar o videoxogo titulado "Os Sostibles" dedicado ao aforro enerxético. O videoxogo vai dirixido aos nenos e nenas de idade entre 6 e 12 anos. Con el, o Inega pretende asentar neste colectivo as bases para unha xeración futura máis comprometida co aforro enerxético e o medio ambiente.

O Instituto Enerxético de Galicia fará chegar a todos os centros de ensino e bibliotecas municipais galegas varios exemplares do videoxogo.

O CAMBIO DE HORA DA MADRUGADA DO VINDEIRO DOMINGO SUPORÁ UN AFORRO ENERXÉTICO DO 0,4% NO CONSUMO ELÉCTRICO GALEGO.

24/09/2008

??? Paragraph[1]/Image[1]/Title ???

O cambio de hora previsto para a madrugada do vindeiro domingo, 25 de outubro, representará un aforro enerxético, no sector doméstico, do 1%, ao igual que no dos servizos, acadando unha diminución no consumo eléctrico total do país dun total do 0,4%. Desta maneira, o aforro motivado polo cambio de hora repercutirá sobre todo no ámbito doméstico, xa que no industrial a estrutura da produción mantense de forma constante independentemente do horario.

En relación a outras partes do Estado, o devandito aforro do 1% do consumo eléctrico no sector doméstico é relativamente pequeno, pero en calquera caso o Instituto Enerxético de Galicia, dependente da Consellaría de Innovación e Industria, cualifica o cambio de hora como unha medida positiva porque se trata de niveis de consumos moi elevados, polo que calquera práctica que induza á súa redución é boa, aínda que sexa nunha porcentaxe baixa.

PODEN SOLICITARSE DENDE HOXE AS AXUDAS DE AFORRO E EFICIENCIA ENERXÉTICA E ENERXÍAS RENOVÁBEIS DA CONSELLARÍA DE INNOVACIÓN E INDUSTRIA.

09/09/2008

??? Paragraph[1]/Image[1]/Title ???

O departamento de Fernando Blanco convoca máis de 15 millóns de euros en axudas destinadas a empresas, particulares e Administracións locais.

O Diario Oficial de Galicia publicou onte as bases da convocatoria das subvencións e axudas a proxectos de aforro e eficiencia enerxética e proxectos de enerxías renovábeis en Galiza correspondentes ao presente ano 2008.

A Consellaría de Innovación e Industria destina máis de 15 millóns de euros a orzar as liñas de axuda, que son tramitadas integramente polo Instituto Enerxético de Galicia (INEGA) e foron convocadas nunha única resolución a través do DOG.

INNOVACIÓN E INDUSTRIA PON EN MARCHA POR TERCEIRO ANO O PLAN RENOVE DE ELECTRODOMÉSTICOS CUN INCREMENTO ORZAMENTARIO DO 12,5%.

25/08/2008

O conselleiro de Innovación e Industria, o nacionalista Fernando Blanco, acompañado polo director xeral de Industria, Enerxía e Minas, Anxo Calvo, e polo director do Inega, Juan Álvarez, presentou esta mañá o Plan, que este ano renova os obxectivos de reducir o consumo de enerxía eléctrica no sector doméstico por medio da substitución de electrodomésticos antigos por equipos enerxeticamente máis eficientes. Todos os galegos e galegas que fagan este cambio de electrodomésticos poden obter axudas do plan, que entra en vigor o 15 de setembro e remata co esgotamento dos fondos.

Santiago de Compostela, Maceda, Laxe, Meaño e Monterroso aforrarán ata o 5% de enerxía co proxecto europeo EnerinTown, posto en marcha polo Inega.

04/08/2008

??? Paragraph[1]/Image[1]/Title ???

O Instituto Enerxético de Galicia (Inega), vén participando dende o ano 2006, ata a actualidade, no proxecto europeo EnerinTown. Este proxecto, no que tamén están presentes diferentes organizacións de España, Italia, Irlanda, Portugal, Francia, Lituania, Alemaña e Grecia, ten por obxecto o deseño e posta en marcha dun sistema de monitorización dos consumos enerxéticos das instalacións municipais a través da internet.

Entre outras liñas de traballo, o proxecto aborda a necesidade de establecer un maior control sobre o consumo enerxético municipal nos edificios propiedade dos concellos. Para isto, partiuse da proposta dunha solución que permita eliminar dúas das barreiras existentes: a falta de coñecemento detallado sobre as cifras de consumo e a falta de persoal cualificado, coa intención de propoñer accións de mellora no aforro de enerxía.

SI VOSTEDE QUERE SABER CANTO SE INCREMENTARÁ A SÚA NOVA FACTURA, UTILICE O SIMULADOR DO INEGA.

03/07/2008

??? Paragraph[1]/Image[1]/Title ???

O Instituto Enerxético de Galicia (Inega), pon a súa disposición un simulador para coñecer o incremento da factura eléctrica dende a entrada en vigor das novas tarifas.

Con este simulador, e de maneira sinxela e instantánea, vostede poderá coñecer o novo importe do recibo da luz que terá que abonar coa recente subida das tarifas eléctricas. Só introducindo os datos nas casillas que aparecen no simulador,utilizando o último recibo ou posteriores a febreiro, coñecerá a cantidade a pagar e o incremento.

O DIRECTOR DO INEGA INAUGUROU O PARQUE EÓLICO CASA EN VILALBA-GUITIRIZ (LUGO)

16/06/2008

??? Paragraph[1]/Image[1]/Title ???

Coa instalación de 13 grandes aeroxeradores, este parque producirá preto de 30 MW de enerxía eléctrica, a partir do vento.

Santiago de Compostela, 17 de Xuño de 2008. O director do Instituto Enerxético de Galicia (Inega), Juan Álvarez Carril inaugurou o parque eólico "Casa", propiedade de Enel-Fenosa nun acto ao que asistiron os máximos representantes da empresa eléctrica, o delegado de Industria para a provincia de Lugo, Ramón Jesús Cortés, o alcalde de Vilalba e a tenente de alcalde de Guitiriz.

O INEGA PRESTARÁ ASESORAMENTO TÉCNICO PARA CONVERTIR CIUDAD LIBERTAD NUNHA CIDADE ENERXETICAMENTE EFICIENTE.

28/05/2008

??? Paragraph[1]/Image[1]/Title ???

O director do Instituto Enerxético de Galicia (Inega), Juan J. Álvarez Carril foi recibido na Habana pola Viceministra do Ministerio de Educación, Victoria Arencibía Sosa, tralo acto de inauguración do Simposio Internacional de Enerxía Gea 2008 que se está a celebrar en "Ciudad Libertad" no municipio cubano de Marianao.

Para Victoria Arencibía "Cuba leva dende o ano 2000 traballando na terceira revolución educacional que aposta por unha cultura científica baseada en coñecementos éticos e solidarios "xa que -segundo afirmou-" non existe igualdade posible sen igualdade de cultura".

|< <<< << 39 40 41 42 43 >> >|