As instalacións solares térmicas permiten quentar fluídos, normalmente auga, polo que se utilizan naquelas aplicacións nas que é necesario dispoñer de auga a temperatura superior á ambiente: produción de auga quente sanitaria, apoio á calefacción, climatización de piscinas e procesos industriais.
Dentro das instalacións solares térmicas distínguense normalmente tres tipos:
Nunha vivenda de consumo medio de auga quente (4 persoas), con dous paneis térmicos (entre 3 e catro metros cadrados de superficie de captación), normalmente é suficiente para cubrir entre o 60 e o 70% das necesidades enerxéticas anuais para a súa producción. O resto do aporte, ata chegar ao 100%, deberá ser proporcionado por unha instalación auxiliar (caldeiras de biomasa, gas, gasóleo, termoacumulador, bomba de calor,...).
Non compensa tratar de cubrir o 100% das necesidades enerxéticas para a producción de auga quente sanitaria xa que necesitaríase unha instalación demasiado grande para abastecer o consumo cando a radiación é menor (no inverno) e, sen embargo, existiría unha produción demasiado elevada no verán que non se aproveitaría. Polo tanto, o investimento inicial sería moito maior e non repercutiría dunha forma proporcional no aforro enerxético obtido.
Efectivamente, as instalacións solares térmicas poden utilizarse para apoiar ao sistema de calefacción. Sen embargo, esta é unha aplicación menos rendible que a produción de auga quente, xa que nos momentos en que existe un maior aporte solar (verán) non é necesaria a calefacción, e viceversa, nos momentos de maior demanda de calefacción (inverno), o aporte solar será menor.
Por outra banda, a aplicación da enerxía solar térmica á calefacción necesita que este último sistema sexa de baixa temperatura (chan radiante, radiadores de baixa temperatura, fan-coils), non sendo aconsellable para outros sistemas nos que é necesario dispoñer de temperaturas da auga moi elevadas.
O apoio á calefacción dunha instalación solar dependerá esencialmente das necesidades enerxéticas da vivenda (que dependen da orientación, illamento, ...) e do sistema de calefacción utilizado.
Como dato aproximado, pódese considerar que cunha superficie de paneis térmicos dun metro cadrado por cada 10 metros cadrados de superficie a calefactar, reducirase entre un 20 e un 35% o consumo enerxético da calefacción considerando un sistema de calefacción de baixa temperatura.
O custo dunha instalación solar térmica depende do seu tamaño, a facilidade na súa execución, a calidade dos equipos utilizados, etc.
Como referencia, o custo dunha instalación solar térmica atópase no rango dos 600 aos 1.000 euros por cada metro cadrado de captación para instalacións con paneis planos, e no rango dos 900 aos 1.400 euros por cada metro cadrado de captación para instalacións con tubos de baleiro.
Existe unha liña de subvencións a fondo perdido para o fomento das enerxías renovables. Esta convocatoria publícase anualmente, e permite obter axudas de ata un 40%, aproximadamente, do investimento necesario para a execución dunha instalación solar térmica (a porcentaxe final dependerá do tipo de sistema, o número de solicitudes e a partida orzamentaria de cada ano).
Na execución dunha instalación solar térmica será necesario cumprir o establecido no Regulamento de Instalacións Térmicas en Edificios, o Real Decreto 865/2003 (prevención e control da lexionelose), o Código Técnico da Edificación (CTE).
O Código Técnico da Edificación (CTE) determina a obligación para as novas edificacións de cubrir unha porcentaxe do consumo enerxético necesario para a producción de auga quente sanitaria mediante instalacións solares térmicas. Esta porcentaxe depende da zona onde se atopa a vivenda e do consumo diario de auga quente (as porcentaxes obrigatorias están entre o 30 e o 70%).
Tendo en conta que é necesario realizar un estudo técnico das necesidades e do sistema actual de auga quente (e calefacción, no seu caso), é conveniente poñerse en contacto con algún instalador de enerxía solar térmica para deseñar o sistema idóneo e confeccionar o presuposto da instalación.
