INEGA Instituto Enerxético de Galicia

Play
Conselleria de Economía, Empresa e Innovación
inicio ou Novas

Novas

A XUNTA ABRE O PRAZO DE SOLICITUDES PARA AS EMPRESAS DE VENTA DE VEHÍCULOS ELÉCTRICOS E AS DE IMPLANTACIÓN DE INFRAESTRUTURAS DE RECARGA QUE QUEIRAN COLABORAR CO PROGRAMA MOVES III

05/08/2021

 - Os concesionarios e instaladores poderán presentar as súas peticións de adhesión como entidades colaboradoras a partir de mañá, venres 6 de agosto.
- Os particulares, comunidades de propietarios, autónomos, empresas e entidades locais poderán solicitar as axudas do programa a partir do 13 de setembro, que se concederán por orde de chegada.
- Os apoios para a compra de automóbiles poderán acadar os 9000 euros e nesta convocatoria duplícase ata o 80% a porcentaxe máxima de axudas para a instalación de puntos de recarga.

A XUNTA PON EN MARCHA O TERCEIRO PLAN MOVES, DOTADO CON PRETO DE 32 MILLÓNS DE EUROS, PARA A COMPRA DE VEHÍCULOS ELÉCTRICOS E A INSTALACIÓN DE PUNTOS DE RECARGA

29/07/2021

- O titular do Goberno galego, Alberto Núñez Feijóo, precisa que estas axudas están dirixidas a particulares, comunidades de propietarios, empresas, entidades locais e administracións públicas.
- Destaca que as previsións tras a execución do plan prevén mobilizar preto de 98 millóns de euros, un aforro económico de 2,3 millóns anuais en custos de combustible e unha redución do CO2 equivalente a 186.000 árbores.

A XUNTA AVALÍA CO SECTOR PESQUEIRO E INDUSTRIAL OS PLANS DE ORDENACIÓN DO ESPAZO MARÍTIMO ANTES DE PRESENTAR AO GOBERNO AS SÚAS ALEGACIÓNS SOBRE O DESENVOLVEMENTO FUTURO DA EÓLICA MARIÑA

28/07/2021

- O vicepresidente segundo e conselleiro de Economía, Empresa e Innovación, Francisco Conde, e a conselleira do Mar, Rosa Quintana, participaron esta tarde na reunión do pleno do Observatorio da eólica mariña.
- O Observatorio contará cunha páxina web onde se recolla a súa actividade, unha ferramenta para favorecer a participación e o diálogo aberto.
- O Goberno galego aposta polo consenso e a transparencia con todos os actores implicados para que calquera proxecto que se aprobe no mar sexa compatible coas actividades marítimo-pesqueiras e respecte o medio ambiente e as costas galegas.

A XUNTA IMPULSA O USO DE ENERXÍAS RENOVABLES EN 94 EDIFICOS PÚBLICOS DA ADMINISTRACIÓN AUTONÓMICA

05/07/2021

- A directora xeral de Planificación Enerxética e Recursos Naturais, Paula Uría, informou hoxe destas actuacións nas que se investirán 6,05M€ e que permitirán aforrar 400.000 euros ao ano na factura enerxética.
- Entre os proxectos que se levarán a cabo destacan as actuacións en catro hospitais, 35 centros de saúde e 39 edificios educativos.
- Enmárcanse na Estratexia de aforro e eficiencia enerxética no sector público autonómico e dan continuidade aos 5,18M€ investidos nos dous últimos anos en actuacións en centros educativos, sociais, turísticos, administrativos e sanitarios.

A XUNTA ENSALZA O COMPROMISO DE SOTAVENTO NO DESENVOLVEMENTO DAS ENERXÍAS RENOVABLES EN GALICIA A TRAVÉS DA I+D+i E A PEDAGOXÍA

21/06/2021

- O vicepresidente económico e conselleiro de Economía, Empresa e Innovación, Francisco Conde, asistiu hoxe ao 20 aniversario do parque.
- Conde salientou o “frutífero labor” realizado nas instalacións de Xermade, consolidándose como un espazo de experimentación e escaparate dos avances tecnolóxicos que se foron dando no sector eólico e das enerxías limpas.
- A Xunta investirá 6 millóns de euros en proxectos con enerxías renovables en 94 edificios públicos como hospitais, centros de saúde e educativos e albergues.

A XUNTA AVOGA POR TECNOLOXÍAS RENOVABLES COMO A AEROTERMIA PARA AVANZAR NA CULTURA DA EFICIENCIA ENERXÉTICA

17/06/2021

- O vicepresidente segundo e conselleiro de Economía, Empresa e Innovación, Francisco Conde, participou esta mañá na xornada ‘Aerotermina-bomba de calor: unha oportunidade para a recuperación verde de Galicia’, organizada pola Confederación de Empresarios da Coruña.

- O Goberno galego destina este ano 14,2 millóns de euros a diferentes liñas de axudas para impulsar a eficiencia enerxética en industrias, empresas, administracións locais e fogares.

A XUNTA ORGANIZA PRETO DE 60 TALLERES EN DIFERENTES CONCELLOS GALEGOS PARA INFORMAR SOBRE A NOVA TARIFA ELÉCTRICA

15/06/2021

- O director do Instituto Galego do Consumo e da Competencia (IGCC), Manuel Heredia, asistiu esta tarde a unha destas charlas que se levou a cabo no Museo do Moble e da Madeira da Estrada.
- O Goberno galego ten programados un total de 51 talleres presenciais en núcleos urbanos e rurais e sete virtuais en concellos con Oficinas municipais de información ao consumidor ou Aulas Cemit.

A XUNTA APOIARÁ ACTUACIÓNS DE EFICIENCIA ENERXÉTICA NAS EXPLOTACIÓNS AGROPECUARIAS DE GALICIA QUE MOBILIZARÁN 9,4M€

15/06/2021

- O prazo de solicitude desta convocatoria, de concorrencia non competitiva, estará aberto do 22 de xuño ao 31 de decembro.
- Destínanse 1,67M€ procedentes do Fondo Nacional de Eficiencia Enerxética e agárdase apoiar 60 proxectos que permitirán aforros económicos de máis de 600.000 euros anuais.
- Complementa a orde de axudas de iniciativas de eficiencia enerxética e enerxías renovables no sector agrícola primario que, tras a aprobación para ampliar o crédito, impulsará 420 proxectos.

A XUNTA APOSTA POR SOMETER AO ACORDO DE TODOS OS AXENTES PARTICIPANTES CADA PASO QUE SE DEA NO DESENVOLVEMENTO DA EÓLICA MARIÑA

09/06/2021

- O vicepresidente segundo e conselleiro de Economía, Empresa e Innovación, Francisco Conde, e a conselleira do Mar, Rosa Quintana, participaron na constitución do Observatorio da eólica mariña.
- O Observatorio será o punto de encontro onde identificar oportunidades e analizar o impacto que suporía a instalación de parques eólicos mariños nas costas galegas.
- Entre as súas funcións estarán a promoción de foros técnicos de coñecemento, a creación dun espazo de información entra as administracións públicas e os sectores e a elaboración de estudos sobre oportunidades, impacto e potencial industrial.

A XUNTA DESTINA 5,4M€ A APOIAR PRETO DE 500 ACTUACIÓNS QUE IMPULSEN O USO DAS ENERXÍAS RENOVABLES E A EFICIENCIA ENERXÉTICA NO SECTOR AGRÍCOLA

05/06/2021

- O obxectivo do Goberno galego é mobilizar 22,8M€, crear ou manter máis de 180 empregos e permitir un aforro de 2M€ na factura enerxética.
- A axuda máxima por proxecto nas explotacións agropecuarias será de 1M€ e poden optar a esta liña tanto as persoas físicas como xurídicas titulares dunha explotación gandeira, propietarios de explotacións agrícolas de regadío ou comunidades cidadás de enerxía, entre outros.
- A Administración ampliará ata os 3,7M€ a convocatoria para os proxectos levados a cabo no sector agrícola primario co fin de impulsar 420 iniciativas.

1 2 3 4 5 >> >>> >|