INEGA Instituto Enerxético de Galicia

Play
Conselleria de Economía, Empresa e Innovación
inicio ou Novas

Novas

A XUNTA PARTICIPA EN PORTO NA CLAUSURA DO PROXECTO EUROPEO AQUALITRANS CUMPRINDO OS OBXECTIVOS PARA ACADAR SISTEMAS MÁIS EFICIENTES E SOSTIBLES NO FUNCIONAMIENTO DAS DEPURADORAS

01/02/2020

 - Ao acto de peche celebrado esta semana asistiron a directora de Augas de Galicia, Teresa Gutiérrez, e o director de Enerxía e Planificación Enerxética do Inega, Emérito Freire.
- O investimento destinado a este proxecto de cooperación transfronteiriza Galicia-Norte de Portugal sitúase en case 1 millón de euros.
- Este proxecto prima a busca dun uso máis eficiente dos recursos naturais nun proceso imprescindible para a poboación como é o tratamento das augas residuais.
- En Galicia hai 160 depuradoras que dan servizo a poboacións de máis de 2.000 habitantes equivalentes.
- O traballo desenvolvido ten permitido pór en práctica proxectos concretos de optimización enerxética nas depuradoras de augas residuais de A Pobra do Caramiñal, Cedeira, Ares, Nigrán e Gondomar.
- A Consellería de Infraestruturas e Mobilidade enmarca estas experiencias piloto no plan de acción da Xunta e de Augas de Galicia de apoio aos Concellos nas súas competencias na explotación e o mantemento axeitado desta instalacións.

PRINCIPAIS RESPONSABLES DA CERTIFICACIÓN ENERXÉTICA DE EDIFICIOS REÚNENSE NO TALLER DE QUALDEEPC EN MADRID

31/01/2020

- Máis de 30 técnicos e axentes do mercado, participaron o 29 de xaneiro de 2020 nun “ workshop” enmarcado no proxecto europeo  QualDeEPC. Catro grupos de traballo analizaron e propuxeron iniciativas de mellora nos temas de calidade da certificación, requisitos dos certificados e  certificadores, control independente dos certificados, publicidade no aluguer e compra-venda de pisos e edificios, así como unha nova proposta de plataforma que relacione e favoreza a renovación enerxética en profundidade dos edificios.

A XUNTA APOIA SEIS PROXECTOS DE EFICIENCIA ENERXÉTICA NA UNIVERSIDADE DA CORUÑA QUE PERMITIRÁN UN AFORRO ANUAL DE 240.000 EUROS NA FACTURA ELÉCTRICA

17/01/2020

- O director xeral de Enerxía e Minas, Ángel Bernardo Tahoces, presentou hoxe na Coruña, xunto co reitor da UDC, Julio Abalde, as iniciativas que se realizarán nos edificios do Reitorado, o pavillón de Elviña, a Escola Técnica Superior de Arquitectura e La Normal -no campus da Coruña- e na Facultade de Humanidades e na Escola Politécnica Superior -no campus de Ferrol-.

- As actuacións, ás que se destinan 2,2M€ en axudas, favorecerán un aforro enerxético equivalente ao consumo de 10.000 fogares e evitarán a emisión de 700 toneladas de CO2 ao ano.

- A Consellería de Economía, Emprego e Industria destina un total de 5,9M€ a 18 proxectos de eficiencia e impulso das renovables nas universidades galegas, unha nova medida que pretende seguir avanzando na cultura do aforro enerxético e no obxectivo de contar cunha Galicia máis verde.

A XUNTA APOIA CON 1,9M€ 140 PROXECTOS DE MELLORA DA EFICIENCIA ENERXÉTICA PROMOVIDOS POR EMPRESAS, AUTÓNOMOS, ENTIDADES SEN ÁNIMO DE LUCRO E CONCELLOS DA PROVINCIA DE LUGO

28/10/2019

- A Consellería de Economía, Emprego e Industria a través do Instituto Enerxético de Galicia- achega como media o 49% do investimento preciso para a posta en marcha destes proxectos que, no conxunto da provincia, mobilizaron de 3,8 M€.

A XUNTA ANIMA AOS CIDADÁNS A ADOPTAR MEDIDAS DE EFICIENCIA ENERXÉTICA DE CARA Á CHEGADA DO HORARIO DO OUTONO

25/10/2019

- A Consellería de Economía, Emprego e Industria, a través do Inega, destaca a importancia de utilizar a enerxía dun xeito racional durante todo o ano.- O cambio de hora da madrugada do sábado ao domingo representa un aforro potencial de enerxía en iluminación estimado no 1% para o sector doméstico.
- O uso de iluminación eficiente, unha correcta climatización das vivendas, ou a instalación de sensores que regulen a luz artificial poden diminuír ata un 35% o consumo enerxético anual nos fogares galegos.

O PROGRAMA DE AXUDAS DA XUNTA PARA ACTUACIÓNS DE EFICIENCIA ENERXÉTICA EN PEMES E GRANDES EMPRESAS DO SECTOR INDUSTRIAL PERMITIRÁ APOIAR 200 INICIATIVAS E MOBILIZAR 65M€

21/08/2019

- O programa de axudas da Xunta para actuacións de eficiencia enerxética en pemes e grandes empresas do sector industrial permitirá apoiar 200 iniciativas e mobilizar 65M€.

- O director xeral de Enerxía e Minas, Ángel Bernardo Tahoces, informou esta mañá desta convocatoria que apoiará a mellora da tecnoloxía en equipos e procesos industriais e a implantación de sistemas de xestión enerxética.

- Os obxectivos son fomentar o investimento en aforro e eficiencia enerxética no sector industrial, reducindo a factura anual das empresas en 7,28M€ e diminuíndo as emisións de CO2 en preto de 25.000 toneladas ao ano, equivalente á acción de 1,25 millóns de árbores.

- O prazo de solicitudes desta convocatoria, de concorrencia non competitiva, estará aberto do 12 de setembro deste ano ao 31 de decembro de 2020.

- Nos últimos seis anos, a Consellería de Economía, Emprego e Industria, concedeu 1.182 axudas para proxectos de aforro e eficiencia enerxética nos sectores da industria, dos servizos e agrícola que permitiron un aforro de enerxía equivalente ao consumo eléctrico de 75.000 fogares.

O COMPLEXO ADMINISTRATIVO DE SAN LÁZARO ESTREA UNHA INSTALACIÓN DE AUTOCONSUMO SOLAR CON 1.173 PANEIS FOTOVOLTAICOS

05/08/2019

- O conselleiro de Economía, Emprego e Industria, Francisco Conde, presentou hoxe en Santiago de Compostela o proxecto no que a Xunta investiu 1,2M€.
- A iniciativa permitirá un aforro de 50.000 euros ao ano e unha rebaixa na emisión de CO2 de 115 toneladas ao ano, o equivalente a 5775 árbores.
- Conde sinala o avance da Comunidade cara unha Galicia verde grazas á aposta da Xunta pola eficiencia enerxética e as renovables investindo nesta lexislatura 32M€ para reducir a dependencia enerxética e contribuír á loita contra o cambio climático.
- Galicia supera o obxectivo europeo de consumo de enerxías renovables fixado para 2030 cun 35,2% en 2017.
- O conselleiro resalta a importancia de ser unha Administración exemplarizante neste eido e de seguir introducindo políticas que avogen por un consumo limpo, renovable e eficiente, que aproveite os recursos autóctonos e incentive a sustentabilidade.

O COMPLEXO ADMINISTRATIVO DE SAN CAETANO ESTREA A NOVA ILUMIUNACIÓN DA FACHADA DO EDIFICIO CENTRAL COA PROXECCIÓN DO ESCUDO DA COMUNIDADE CON MOTIVO DA CELEBRACIÓN DO DÍA DE GALICIA

25/07/2019

- A nova instalación supón un aforro enerxético que ascende aos 46.700 kWh/ano, equivalente ao consumo anual de 16 vivendas; un aforro económico asociado de 5.900 euros anuais; e a redución de 10,57 kW da potencia instalada.

PARTICULARES, EMPRESAS E AUTÓNOMOS PODERÁN INSCRIBIRSE DESDE MAÑÁ NO PROGRAMA DE AXUDAS DA XUNTA PARA A RENOVACIÓN DE VEHÍCULOS

23/07/2019

- Preto dun cento de concesionarios xa participan nesta iniciativa, pensada para incorporar modelos máis eficaces e comprometidos co medio ambiente.
- As axudas van dos 1.000 aos 1.500 euros, dependendo do volume de emisións do propio vehículo, e concederanse por orde de chegada da solicitude.

UN CENTENAR DE CONCESIONARIOS SÚMANSE AO PLAN DA XUNTA PARA IMPULSAR A ACTUALIZACIÓN DO PARQUE MÓBIL E A MELLORA AMBIENTAL

16/07/2019

- A través destas entidades colaboradoras os particulares, empresas e autónomos poderán solicitar as axudas desde o 24 de xullo a partir das 9 da mañá.
- Este plan busca a renovación de vehículos con máis de 10 anos de antigüidade e coa ITV en vigor, ademais de cunha titularidade de  polo menos un ano de vixencia.
- As axudas van dos 1.000 aos 1.500 euros, dependendo do volume de emisión.
 

|< << 1 2 3 4 5 >> >>> >|