A Xunta aposta por unha transición enerxética sólida que produza enerxía renovable, reduza o seu impacto e xere valor no territorio
A Xunta aposta por unha transición enerxética sólida que produza enerxía renovable, reduza o seu impacto e xere valor no territorio
Ortigueira (A Coruña), 21 de novembro de 2026
O director xeral de Planificación Enerxética e Minas, Pablo Fernández Vila, destacou hoxe en Ortigueira, que unha transición enerxética sólida debe compatibilizar tres obxectivos: producir enerxía renovable, reducir o seu impacto e xerar valor no territorio.
Fernández Vila clausurou a xornada Máis alá dos parques eólicos: comunidades e territorio onde explicou que repotenciar significa facer unha mellor eólica e “aproveitar mellor os emprazamentos que xa temos con menos aeroxeneradores, menos impacto e máis enerxía”, dixo. Nesta liña, apuntou que a repotenciación non é solo política enerxética e ambiental, senón que tamén supón “unha oportunidade para a actividade industrial, o investimento e a creación de emprego”.