A Xunta destaca a importancia das renovables para a implantación de futuros proxectos na comunidade

Madrid, 16 de xuño de 2023 O director xeral de Planificación Enerxética e Recursos Naturais, Pablo Fernández Vila, participou esta mañá en Madrid na cuarta reunión Spertus. Transición enerxética e competitividade industrial. Na súa intervención destacou a importancia das enerxías renovables na futura implantación de proxectos en Galicia e a súa repercusión no territorio.

Así, incidiu en que a transición enerxética debe ser planificada e ordenada polo que precisa de estratexias e follas de ruta claras para afrontar os retos que poidan xurdir.
É o caso da Comunidade, que conta coa Axenda enerxética de Galicia 2030 coa que se busca unha anticipación ás futuras necesidades e do anteproxecto de Lei de promoción dos beneficios sociais e económcos dos proxectos que fan uso dos recursos naturais de Galicia.

O director xeral explicou que o proceso de implantación de enerxías renovables vai ter un importante papel en futuras iniciativas vinculadas ao hidróxeno verde pero tamén noutros proxectos industriais que están buscando desenvolverse en Galicia.

Compartir nova en