A Xunta impulsa a transformación dixital e sustentable dos comercios coruñeses
O director xeral de Comercio e Consumo, Manuel Heredia, visitou hoxe na cidade da Coruña os establecementos Nima e Amusko Perfumería, que participaron no programa de axudas para a modernización e a dixitalización co que o ano pasado se mobilizaron investimentos por máis de 2 M€ en 229 negocios da provincia
A esta convocatoria, que contará este ano con 3 M€, súmanse as do fondo tecnolóxico, que alcanzarán os 5,6 millóns de euros
A Coruña, 7 de febreiro de 2023 O director xeral de Comercio e Consumo, Manuel Heredia, salientou hoxe o impulso da Xunta de Galicia á transformación dixital e sustentable do comercio de proximidade. Heredia visitou hoxe na cidade da Coruña os establecementos Nima e Amusko Perfumería, que participaron no programa de axudas para a modernización e a dixitalización dos comercios e obradoiros artesáns, co que o ano pasado se mobilizou un investimento público-privado de máis de 2 millóns de euros en 229 negocios da provincia, con axudas por preto de 900.000 euros.
Este ano este programa contará cun orzamento de 3 millóns de euros, e sumarase a axuda do fondo tecnolóxico, única dotada con fondos europeos Next Generation, e centrada en aspectos como a transformación dixital, a eficiencia enerxética e a mellora da experiencia de compra dos usuarios, entre outros aspectos. No mes de decembro lanzouse unha primeira convocatoria, con 2,7 millóns de euros de orzamentos. En fase de resolución, o programa tivo unha grande acollida, con máis de 367 axudas solicitadas. A segunda convocatoria publicarase nesta primavera cun importe de 2,9 millóns de euros, alcanzando así os 5,6 millóns de euros.
En total, este ano destínanse 24 millóns de euros a impulsar a competitividade do sector comercial e artesanal; crear un hub de innovación comercial e artesanal para desenvolver novos modelos de negocio e mellorar a competitividade do sector; así como impulsar a formación e capacitación para os profesionais deste ámbito, entre outros aspectos. As medidas específicas para este ano da Dirección Xeral de Comercio e Consumo, que se suman aos apoios doutros departamentos da Vicepresidencia primeira e Consellería de Economía, Industria e Innovación -como Inega e Igape-, así como da Consellería de Promoción de Emprego e Igualdade, irán en liña co diagnóstico realizado co sector a partir de enquisas ás asociacións, estudos do sector e agrupacións sectoriais
