INEGA Instituto Enerxético de Galicia

Play
inicio ou Novas

Novas

INAUGURADA A VIVENDA BIOCLIMÁTICA DEMOSTRATIVA DE SOTAVENTO

21/06/2010

??? Paragraph[1]/Image[1]/Title ???

O Presidente da Xunta adianta que o Plan Enerxético de Galicia 2010-2015 permitirá un aforro de 1.000 millóns de euros.

Avanza que a Xunta tamén porá en marcha un Plan de aforro e eficiencia nos edificios da Administración pública galega co obxectivo de acadar un aforro de ata o 40%.

Adianta que o Goberno galego traballa na posibilidade de instalar "unha área marítima experimental na costa galega" co obxecto de desenvolver proxectos de enerxía maremotriz.

Salienta que a finais deste ano a Xunta adxudicará 3.300 novos megavatios: aos máis de 2.300 do concurso eólico, hai que sumar outros 300 de plans eólicos empresariais, outros 500 que xa foron adxudicados e 100 de parques experimentais.

Sostén que incrementará a taxa de autoabastecemento do 27 ao 30% nos próximos cinco anos.

Subliña que a Xunta pretende elaborar una nova normativa para ampliar o concepto de parque experimental, para aplicalo a outras localizacións e a outros aproveitamentos enerxéticos.

"Galicia quere ser líder no desenvolvemento das enerxías renovables e proba disto é que estimamos que no ano 2015 o 95% da enerxía que se produza en Galicia proveña das enerxías renovables", engade.

ECONOMÍA E INDUSTRIA COLABORA COA DGT NA REALIZACIÓN DE CURSOS DE CONDUCIÓN EFICIENTE DE VEHÍCULOS TURISMO

10/06/2010

??? Paragraph[1]/Image[1]/Title ???

O director do Instituto Enerxético de Galicia, Eliseo Diéguez, asistiu hoxe en Santiago ao arranque destas actividades, que se desenvolverán en diversas cidades galegas nos próximos meses

A través destes seminarios, que se enmarcan dentro do plan de formación do Inega para este ano, un total de 120 persoas adquirirán técnicas para unha condución eficiente, que lles permitirán diminuír o consumo do combustible ata un 15%, así como incrementar a seguridade ao volante

ECONOMÍA E INDUSTRIA APOSTA POR UN MODELO ENERXÉTICO RESPECTUOSO CO MEDIO AMBIENTE, O AFORRO E A EFICIENCIA ENERXÉTICA, AS ENERXÍAS RENOVABLES E A DIVERSIFICACIÓN ENERXÉTICA

28/05/2010

??? Paragraph[1]/Image[1]/Title ???

O director do Inega da Consellería de Economía e Industria, Eliseo Diéguez, inaugurou hoxe en Carballo as "V Xornadas Enerxías Renovables, Aforro Enerxético e Medio Ambiente", organizadas por Axober.

ECONOMÍA E INDUSTRIA DESTINA 500.000 EUROS Á SEGUNDA EDICIÓN DO PLAN RENOVE DE ELECTRODOMÉSTICOS 2009 E ABRE A SOLICITUDE DE AXUDAS O PRÓXIMO LUNS

21/05/2010

??? Paragraph[1]/Image[1]/Title ???

O director do Instituto Enerxético de Galicia subliña que esta nova actuación, que se enmarca dentro da aposta global da Xunta polo aforro e a eficiencia enerxética, se explica en base ao elevado número de solicitudes recibidas que fixo que os 4 millóns de orzamento inicial se esgotasen en só 29 días

Unicamente con esta segunda edición da campaña se posibilitará un investimento asociado de 2 millóns de euros

A solicitude de axudas, dunha contía máxima do 25% do prezo do electrodoméstico e de ata 125 euros por equipo, poderase realizar ata o 30 de outubro ou ata a finalización de fondos

A incidencia total que se prevé co Plan Renove de Electrodomésticos 2009, executado por completo, é alcanzar un investimento asociado de 18 millóns de euros e chegar a preto de 49.000 familias beneficiadas

ECONOMÍA E INDUSTRIA DESTACA O PAPEL DECISIVO DOS CONCELLOS NA LOITA CONTRA O CAMBIO CLIMÁTICO E FAINOS PARTÍCIPES DO PACTO DE ALCALDES E ALCALDESAS

12/05/2010

??? Paragraph[1]/Image[1]/Title ???

A Consellería que dirixe Javier Guerra promoveu a I Xuntanza de Traballo sobre o Pacto de Alcaldes e Alcaldesas contra o Cambio Climático en Galicia

O obxectivo da reunión de activación desta iniciativa europea é axudar aos concellos a rendibilizar a oportunidade de obter fondos europeos e de investilos na implantación de medidas de aforro e eficiencia enerxética e en proxectos de aproveitamento das enerxías renovables que axuden a mitigar o cambio climático

ECONOMÍA E INDUSTRIA AMPLÍA EN 500.000 EUROS OS FONDOS DO PLAN RENOVE DE FIESTRAS 2009, CUXA SOLICITUDE DE AXUDAS SE ABRE MAÑÁ

10/05/2010

??? Paragraph[1]/Image[1]/Title ???

O director do Instituto Enerxético de Galicia explicou que a posta en marcha desta nova actuación de aforro e eficiencia enerxética nos fogares vén motivada polo elevado volume de solicitudes recibidas, que fixo que o orzamento inicial de 1,2 millóns de euros se esgotase en tan só 3 días

Só mediante esta segunda edición da campaña, se posibilitará un investimento asociado de 2 millóns de euros

A solicitude de axudas, dunha contía de 100 euros por metro cadrado de fiestra, abrirase mañá e poderase realizar ata o 30 de outubro ou ata que se esgote o orzamento ou ata que se esgote o orzamento

A incidencia total que se prevé co Plan de Fiestras 2009, cando estea totalmente executado, é alcanzar un investimento asociado de 6,5 millóns de euros e chegar a máis de 1.300 vivendas beneficiadas

DIÉGUEZ INAUGURA A EXPOSICIÓN “CIENCIA EX AEQUO”, QUE COMBINA O MUNDO DA ENERXÍA E DA CIENCIA, A TRAVÉS DE 12 LENZOS QUE TEÑEN COMO TEMÁTICA DESCUBRIMENTOS REALIZADOS POR MULLERES

04/05/2010

??? Paragraph[1]/Image[1]/Title ???

O presidente de Sotavento e director do Inega, adscrito á Consellería de Economía e Industria, inaugurou a mostra que a autora Margarita Cimadevila cedeu temporalmente ao Parque Eólico Experimental sito en Xermade, unha actividade que se insire dentro da faceta divulgativa e de difusión das enerxías renovables que está a levar a cabo este centro

Ata o 30 de xuño, data de finalización da súa estanza neste Parque Experimental participado polo Inega, serán numerosas as visitas que reciba a exposición, que pretende ser unha homenaxe ás mulleres que traballaron no campo da ciencia

AS AXUDAS DE ECONOMÍA E INDUSTRIA A PROXECTOS DE AFORRO E EFICIENCIA ENERXÉTICA ASCENDEN A 860, UN 46% MÁIS QUE EN 2008, E SUPOÑEN UN INVESTIMENTO ASOCIADO DE CASE 33 MILLÓNS DE EUROS

27/04/2010

??? Paragraph[1]/Image[1]/Title ???

Javier Guerra indicou que a través da resolución publicada hoxe no DOG se cumpre o compromiso de lograr nesta convocatoria unha redución dun 33% nos tempos de tramitación e resolución das subvencións

O titular autonómico resaltou o especial compromiso da Consellería de Economía e Industria e do Inega cos concellos, para os que se habilitaron liñas de axudas específicas de ata o 75% do custe, e se destinou un orzamento de case 4,5 millóns de euros, practicamente a metade do total concedido nesta convocatoria

En total foron outorgadas 267 axudas a municipios a través de 14 liñas diferentes de axudas, o que representa o 31% sobre o total

O número total de concellos beneficiarios é de 164, un 50% máis que na anterior convocatoria, o que significa que un 52% das entidades locais recibiron algún tipo de subvención por parte do Inega, que terán como destinatarios unha poboación de preto de 1,8 millóns de galegos.

ECONOMÍA E INDUSTRIA E MEDIO RURAL COLABORAN NO DESENVOLVEMENTO DE ACTUACIÓNS DE FOMENTO DAS ENERXÍAS RENOVABLES

24/04/2010

??? Paragraph[1]/Image[1]/Title ???

O director do Instituto Enerxético de Galicia, Eliseo Diéguez, e o director xeral da Axencia Galega de Desenvolvemento Rural, Antonio Crespo, asinaron un convenio de colaboración para establecer criterios claros de delimitación respecto a que actuacións serán subvencionadas por cada un dos organismos

Lograr a complementariedade das axudas evitando a súa duplicidade e diversificar o número de municipios beneficiarios, son os obxectivos prioritarios deste marco de colaboración entre Inega e Agader

HOXE DEU COMEZO O PROGRAMA DE CURSOS DE ECONOMÍA E INDUSTRIA PARA ESTE ANO SOBRE CERTIFICACIÓN ENERXÉTICA DE EDIFICIOS

20/04/2010

??? Paragraph[1]/Image[1]/Title ???

O director do Instituto Enerxético de Galicia, Eliseo Diéguez, que inaugurou o primeiro dos seminarios que se desenvolverá na sede do Inega, destacou "o gran interese que están a espertar estes seminarios" e sostivo que "é imprescindible a formación específica neste ámbito para lograr que se consuma menos enerxía e dun xeito máis eficiente no sector"